Një tërmet me magnitudë 4.2 të shkallës Rihter është regjistruar mbrëmjen e sotme në zonën e Belsh Qendër, në qarkun e Elbasanit. Sipas të dhënave sizmologjike, lëkundja është shënuar rreth orës 20:00, me epiqendër pranë Belshit dhe me thellësi rreth 15 kilometra, çka ka bërë që dridhjet të ndjehen qartë në një territor më të gjerë.
Tërmeti është ndier nga banorët në Belsh, Elbasan, Fier, Berat e deri në Vlorë, ku shumë qytetarë raportuan për lëkundje disa sekondëshe dhe për zhvendosje të lehtë të objekteve të brendshme, si mobilje apo llambadarë. Pavarësisht intensitetit të ndjeshëm, deri tani nuk raportohen dëme materiale apo persona të lënduar.
