Strukturat e Drejtoria Vendore e Policisë Shkodër kanë finalizuar operacionin e koduar “NDËRMOLLASI 2”, në kuadër të goditjes së veprimtarive të paligjshme në fushën e armëmbajtjes pa leje dhe narkotikëve.
Operacioni u zhvillua nga Sektori për Hetimin e Krimeve të Rënda, në bashkëpunim me Seksionin për Mbështetjen Operacionale të Hetimit dhe Seksionin e Forcës së Posaçme “Shqiponja”, nën drejtimin e Prokuroria e Shkodrës.
Gjatë kontrollit të ushtruar në banesën e shtetasit R. M., 29 vjeç, në fshatin Ura e Shtrenjtë, u gjet dhe u sekuestrua një arsenal armësh dhe municionesh, si dhe lëndë e dyshuar narkotike. Konkretisht, në cilësinë e provës materiale u sekuestruan:
- 11 armë zjarri;
- 5506 fishekë luftarakë;
- 7 krehra arme automatike dhe 6 krehra pushke;
- 35 metra fitil detonator;
- rreth 25.2 kilogramë lëndë e dyshuar narkotike Cannabis Sativa;
- 2 palë targa të huaja, përkatësisht të Gjermania dhe Austria.
Në vijim të veprimeve procedurale, u vunë në pranga shtetasit S. M., 29 vjeç dhe S. M., 31 vjeç, të dy banues në fshatin Ura e Shtrenjtë. Sipas hetimeve paraprake, ata dyshohet se janë posedues të armëve dhe lëndës narkotike, si dhe bashkëpunëtorë të shtetasit R. M., i arrestuar më herët në kuadër të operacionit “Ndërmollasi”.a.b
