Me kërkesë të Prokuroria pranë Gjykatës së Shkallës së Parë të Juridiksionit të Përgjithshëm Fier, janë konfiskuar 10 pasuri të luajtshme dhe të paluajtshme në pronësi të shtetasit Saimir Taullahu (S.T.) si dhe personave të lidhur me të.
Sipas njoftimit zyrtar, kërkesa për konfiskim është paraqitur në bazë të ligjit nr. 10192, datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë” dhe është pranuar nga gjykata kompetente.
Pasuritë e konfiskuara përfshijnë njësi shërbimi, karburante, godina, troje, apartamente dhe toka bujqësore në Lushnjë dhe Tiranë.
Në Lushnjë janë konfiskuar:
- Pasuria nr. 4/1, zona kadastrale 8572, në lagjen “18 Tetori”, godinë ekonomike 2 kate, karburant dhe ambiente shërbimi;
- Pasuria nr. 4/2, po në lagjen “18 Tetori”, truall + ndërtesë, me vlerë 9,724,582 lekë;
- Pasuria nr. 1/527, në lagjen “Loni Dhamo”, godinë e kombinuar 5 kate + karburant, me vlerë 22,330,105 lekë;
- Pasuria nr. 3/1, në Plug, godinë ekonomike 1 kat + podrum, me vlerë 2,297,520 lekë;
- Pasuria nr. 1/450, në lagjen “Loni Dhamo”, njësi shërbimi 3 kate + rikonstruksion karburanti ekzistues + pikë gazi;
- Pasuria nr. 104/44, në Savër, arë me sipërfaqe 15,323 m2;
- Pasuria nr. 857/28, në Karbunarë të Poshtme, arë.
Ndërsa në Tiranë janë konfiskuar tre apartamente:
- Pasuria nr. 151/2+1-10, në Sauk, apartament me sipërfaqe 128 m2;
- Pasuria nr. 102/22+1-6, në Sauk, apartament me sipërfaqe 96.17 m2;
- Pasuria nr. 104/81+2-21, në Selitë, apartament me sipërfaqe 105.57 m2.
