Ura mund të bie nga çasti në çast
Aksi rrugor “Librazhd-Pogradec”, është bllokuar plotësisht duke izoluar për një kohë të pacaktuar juglindjen me pjesën tjetër të vendit.
“Ndalohet qarkullimi i të gjitha mjeteve, përfshirë mjetet e tonazhit të rëndë, autobusët dhe mjetet e vogla;
– Pikat kufitare do të njoftojnë dhe orientojnë drejtuesit e mjeteve të tonazhit të rëndë, autobusët dhe mjetet e vogla për të mos vijuar lëvizjen në këtë aks;
– Rrugë alternative për mjetet e vogla do të jetë aksi Maliq–Lozhan–Moglicë–Gramsh, në drejtim të Tiranës dhe anasjelltas.
Do të lejohen të kalojnë vetëm Ambulancat, Shërbimet zjarrfikëse dhe Mjetet e Policisë”, njoftoi policia e Elbasanit.
Drejtori i ARRSH tha sot për mediat se rruga u bllokua për shkak të rrëshqitjes së tokës duke bërë rrugën dhe një urë të papërdorshme. Ai tha se shkak janë ujërat nëntokësore duke theksuar se kjo ishte një zonë ujore.
Por ditët e fundit në afërsi të urës në shtratin e Shkumbinit dhjetra makina të rënda u ngarkuan me rërë në bazamentin e lumit. Dyshohet se kjo ka qenë edhe arsyeja kryesore e shembjes. a.b
