Sali Berisha
Kryetari i Partia Demokratike e Shqipërisë, Sali Berisha, deklaroi se kryeministri Edi Rama ka anuluar udhëtimin për në Konferenca e Sigurisë në Mynih, pasi i janë refuzuar takimet e planifikuara para vizitës në Bruksel.
Në një dalje për mediat nga selia e PD-së, Berisha u shpreh se anulimi i pjesëmarrjes së Ramës lidhet me qëndrimet e aktorëve ndërkombëtarë, të cilët, sipas tij, i kanë mbyllur dyert kryeministrit shqiptar.
“Ky është një akt për të cilin do të shpreh mirënjohjen më të madhe të gjithë atyre që i refuzuan takimet narkodiktatorit të Tiranës. Të gjithë atyre që i anuluan takimet e fiksuara para vizitës së tij në Bruksel. Të gjithë atyre që e bënë me qëndrimet e tyre Edi Ramën mish të huaj, trup të huaj në atë konferencë dhe ia mbyllën dyert”, deklaroi Berisha.
Ai shtoi se, brenda pak javësh, Ramës i janë mbyllur dyert në dy prej aktiviteteve më të rëndësishme ndërkombëtare, duke përmendur edhe forumin e Davosit. a.b
