Takimi Peleshi-Rigas
Kryetari i Kuvendit, Niko Peleshi censuroi mesazhet e DASH pas një takimi ka zhvilluar në Uashington me Michael Rigas, zëvendëssekretarin amerikan të Shtetit, takim që më pas është shoqëruar me mesazhe të ndryshme publike nga të dyja palët.
Në postimin e tij në rrjetet sociale, Peleshi është ndalur te partneriteti strategjik mes Shqipërisë dhe Shteteve të Bashkuara, bashkëpunimi në fushën e mbrojtjes dhe sigurisë, si dhe rritja e investimeve amerikane në Shqipëri duke shmangur nga teksti pjesën e luftës kundër narkotrafikut.
Postimi i plotë i Niko Peleshit: “Takim në Departamentin Amerikan të Shtetit me Michael Rigas, zëvendëssekretarin amerikan të shtetit.
Në fokus partneriteti strategjik Shqipëri-SHBA, bashkëpunimi në mbrojtje dhe siguri, avancimi i reformave dhe rritja e investimeve amerikane në sektorë strategjikë në Shqipëri.
Shqipëria, aleate e besueshme në NATO dhe faktor stabiliteti në Ballkanin Perëndimor”
Ndërkohë, mesazhi i publikuar nga vetë Michael Rigas ka një theks më të gjerë dhe më të drejtpërdrejtë mbi prioritetet amerikane. Zv/sekretari i DASH e cilëson takimin si “një bisedë frytdhënëse” dhe nënvizon angazhimin e SHBA-së për stabilitetin rajonal dhe global, forcimin e NATO-s, çmontimin e organizatave kriminale transnacionale dhe rritjen e mundësive për bizneset amerikane në Shqipëri.
“We will continue our work with Albania on regional and global stability, strengthening NATO, dismantling transnational criminal organizations, and increasing U.S. business opportunities,” shkruan Rigas.
Peleshi ka shmangur përparësinë për luftën kundër narkotrafikut ku banda shqiptare që pasteojnë paratë në Shqipëri kanë rol në tregtinë ndërkombëtare. a.b
