Pamje nga nisja e protestës
Mijëra qytetarë janë mbledhur në sheshin para Kryeministrisë, në Tiranë në protestën e thirrur këtë të shtunë, më 24 janar.
Mesazhet e shpalosura nga protestuesit janë të shumta dhe domethënëse, ndërsa një pjesë e tyre janë shkruar në gjuhën angleze, si një thirrje drejtuar komunitetit ndërkombëtar. Në disa pankarta theksohet se në Shqipëri zgjedhjet zhvillohen “në stil stalinist”, duke vënë në dyshim standardet demokratike të procesit zgjedhor.
Të tjera mesazhe akuzojnë drejtpërdrejt korrupsionin, duke nënvizuar se “kullat që ngrihen çdo ditë në Tiranë janë ndërtuar mbi paratë e korrupsionit”.
Kryesisht të rinjtë kanë zgjedhur pankarta në anglisht, ku në një prej tyre thuhet se në motorët e kërkimit në Shqipëri nuk gjendet demokracia, duke iu referuar mungesës së shtetit ligjor dhe drejtësisë funksionale. Në një tjetër pankartë shkruhet: “Shqipëria, një parti-shtet”. a.b
