Vanhorn në Gjykatën Kushtetuese
Me anë të një njoftimi për mediat, e Ngarkuara me Punë e Shteteve të Bashkuara në Tiranë, Nancy Van Horn, ka shprehur mbështetjen e SHBA-së për institucionet e drejtësisë në Shqipëri, duke theksuar njëkohësisht prioritetet e Presidentit Donald Trump.
Sipas njoftimit, prioritetet kryesore lidhen me çmontimin e rrjeteve të narkotrafikut dhe krijimin e kushteve të barabarta për bizneset amerikane. Van Horn ka vënë në dukje rolin e rëndësishëm që Gjykata Kushtetuese ka në garantimin e drejtësisë për qytetarët shqiptarë, si dhe në vendosjen përpara përgjegjësisë të atyre që shkelin ligjin.
Ajo theksoi gjithashtu se Gjykata Kushtetuese luan një rol kyç në ruajtjen e një sistemi ligjor të drejtë dhe të parashikueshëm, element thelbësor për funksionimin e shtetit të së drejtës dhe zhvillimin ekonomik.
“Sot, e Ngarkuara me Punë Nancy Van Horn përgëzoi Kryetaren e sapoemëruar të Gjykatës Kushtetuese Fiona Papajorgji dhe diskutoi se si mbështetja afatgjatë e Shteteve të Bashkuara për institucionet e zbatimit të ligjit në Shqipëri çon përpara prioritetet e Presidentit Trump: çmontimin e rrjeteve të narkotrafikut dhe krijimin e kushteve të barabarta për bizneset amerikane.
Gjykata Kushtetuese luan një rol të rëndësishëm në garantimin e drejtësisë për qytetarët shqiptarë, duke i mbajtur përgjegjës ata që shkelin ligjet e saj dhe duke ruajtur një sistem ligjor të drejtë dhe të parashikueshëm, në mënyrë që bizneset amerikane të mund të lulëzojnë”, thuhet në njoftimin e Ambasadës Amerikane në Tiranë. a.b
