Ndryshime në drejtimin e Policisë së Shtetit, emërohen drejtues të rinj në disa DVP
Policia e Shtetit ka kryer ndryshime në strukturat drejtuese të disa Drejtorive Vendore të Policisë, në kuadër të dinamikave të punës dhe riorganizimit të brendshëm.
Drejtues Vilson Bala është emëruar Drejtor i Drejtorisë Vendore të Policisë Korçë. Ndërkohë, Drejtues Islor Islami është caktuar përkohësisht në detyrën e Drejtorit të Drejtorisë Vendore të Policisë Lezhë, ndërsa Drejtues Afrim Tafa do të ushtrojë përkohësisht funksionin e Drejtorit të Drejtorisë Vendore të Policisë Durrës.
Gjithashtu, për Drejtorin e Drejtorisë Vendore të Policisë Elbasan, Drejtues Fatmir Hoxha, Drejtori i Përgjithshëm i Policisë së Shtetit, Drejtues Madhor Ilir Proda, ka vendosur revokimin e dorëheqjes së tij. Ky vendim vjen si rezultat i performancës së lartë dhe rezultateve të arritura nga DVP Elbasan gjatë periudhës së fundvitit 2025.
Për pasojë, Drejtues Fatmir Hoxha do të vijojë ushtrimin e detyrës si Drejtor i Drejtorisë Vendore të Policisë Elbasan. a.b
