Harta e lëvizjes pas bllokimit
Për shkak të punimeve që po kryhen nga Autoriteti Rrugor Shqiptar (ARRSH) për ndërtimin e mbikalimit të ri në Qafë Kashar, do të bllokohet rruga e qarkullimit në drejtimin Tiranë – Rinas.
Sipas njoftimit zyrtar, bllokimi do të jetë i plotë gjatë orarit 20:00 – 06:00, në datat 13 dhe 14 janar.
ARRSH bën me dije se qarkullimi i mjeteve drejt Aeroportit Ndërkombëtar të Rinasit do të realizohet përmes rrugëve alternative, si më poshtë:
- Vorë – Fushë Krujë (kthesa e Rinasit)
- Rruga dytësore Tiranë – Kamëz – Valias – Rinas
- Rruga Kashar – Thumanë, e ndërtuar nga koncesionari
Drejtuesit e mjeteve këshillohen të ndjekin sinjalistikën përkatëse dhe të planifikojnë lëvizjet e tyre në kohë. a.b
