SPAK bastis zyrat e AlbStar dhe Salillarit dhe disa kompanive të tjera, hetime në dosjen e zv/kryeministres Balluku
Prokuroria e Posaçme kundër Korrupsionit dhe Krimit të Organizuar (SPAK) ka zhvilluar këtë të martë kontrolle në zyrat e kompanisë AlbStar, si edhe në ambiente të lidhura me biznesmenë dhe subjekte të tjera private.
Burime bëjnë me dije se kontrollet janë kryer edhe në kompani apo ambiente që lidhen me Paqsor Buzi, Tan Sako, Alkoimpex në pronësi të Arbër Abazit, Salillari, si edhe kompania Senka. Bastisjet janë shoqëruar me sekuestrimin e dokumenteve dhe materialeve që pritet t’i shërbejnë hetimit.
Veprimet e SPAK janë pjesë e hetimeve që lidhen me dosjen ndaj zv/kryeministres dhe ministres së Infrastrukturës dhe Energjisë, Belinda Balluku, ku po verifikohen procedura dhe vendimmarrje të dyshuara në lidhje me projekte dhe kontrata publike. m.k
