Rruga në orët e mbrënjes, sot
Nuk ndalet rrëshqitja e masiveve të dheut në aksin rrugor Qukës–Qafë Plloçë. Pak minuta më parë, një tjetër rrëshqitje është regjistruar në lotin e dytë të këtij segmenti, ku një masiv i konsiderueshëm dheu dhe gurësh ka bllokuar plotësisht qarkullimin e mjeteve.
Në zonë kanë nisur punimet për pastrimin e rrugës, por aktualisht hapja e saj për automjetet është e pamundur, pasi aksi është i bllokuar në të dyja senset e lëvizjes. Për shkak të rrezikut të lartë për rrëshqitje edhe në pjesë të tjera të këtij segmenti, policia ka bllokuar gjithashtu qarkullimin në zonën e Plloçës së Re, duke devijuar mjetet drejt rrugës së vjetër.
Deri në zgjidhjen e plotë të situatës, rruga e re Qukës–Qafë Plloçë do të mbetet e bllokuar, ndërsa qarkullimi po realizohet vetëm përmes aksit të vjetër rrugor.
kjo rrugë eshte vetëm 43 km e gjatë dhe ka kushtuar 260 milionë euro, afro 7 milionë euro për km ndërsa rruga është me dy kalime. Ndërtimi i saj zgjati 15 vjet dhe ashtu si rruga e Arbrit dhe segmenti Farkë qafë Krrabë i autostradës Tiranë Elbasan rrëmbeu fonde për vite em rradhë pa kurrfarë kontrolli e auditi.
Kjo rrugë është simbol i korrupsionit në ndërtimin e rrugëve në Shqipëri. a.b
