Rrëshqitja në Qukës Plloçë ngjan shumë rrëshqitjen në rrugën Kardhiq Delvinë ndërtuar të dyja vitet e fundit. Shembja eshte pranë tyneleve, cfarë do të thotë se cilësia e skarpatave është tepër e dobët.
Rrëshqitja gjatë paradites së sotme e skarpatës në hyrje të tunelit në rrugën Qukës-Qafë Plloçë, ndër rrugët me të shtrenjta në vend, ka dëmtuar rëndë një makinë, dhe fatmirësisht nuk kishte njerëz të dëmtuar.
Deputeti i PD-së, Ivi Kaso në një reagim të tij, shkruan se në rrugën e turpit Qukës-Qafë Plloçë duhet të merren masa të menjëhershme për të garantuar sigurinë e kalimtarëve.
“Në rrugën e turpit “Qukës-Qafë Plloçë”, midis dy tuneleve, nga rrëshqitjet e inerteve në rrugë, është dëmtuar një automjet, dhe rrezikohen të dëmtohen të tjerë.
Për fat të mirë persona të lënduar nuk ka.
Autoritetet duhet të marrin masa të menjëhershme për të garantuar sigurinë e kalimtarëve!”, deklaron Kaso. a.b
