Momenti i ekzekutimit të Mahallës
Droni.al ka siguruar pamjet e ekzekutimit të biznesmenit Mondi Mëhalla në Elbasan. Ai është qëlluar nga një person me 2 plumba në kokë duke mbetur i vdekur në vend.
Policia njoftoi sot se në kuadër të operacionit të koduar “Strike” ka vënë në pranga dy persona dhe ka shpallur në kërkim dy të tjerë, të dyshuar për përfshirje në vrasjen e biznesmenit Edmond Mahalla në Elbasan.
Sipas njoftimit zyrtar, janë arrestuar shtetasit Xhino Ago dhe Kujtim Pisha, ndërsa vijon kërkimi për Marselo Aranin dhe Armando Kolën. Hetimet e deritanishme dyshojnë se të katër personat kanë pasur role të ndryshme në organizimin dhe ekzekutimin e ngjarjes së rëndë.
Xhino Ago është ish-ortaku i viktimës dhe, sipas policisë, i dyshuar si bashkëpunëtor në krim. Policia thotë se automjeti që është përdorur për të ekzekutuar Mëhallën është në pronësi të tij.
Marselo Arani dhe Armando Kola janë shpallur në kërkim si autorët kryesorë të dyshuar për vrasjen. Arani, sipas policisë, ka përdorur automjetin që i përkiste Ago-s për të kryer atentatin.
Kujtim Pisha është i arrestuar për “moskallëzim krimi”, pasi dyshohet se si roja i karburantit nuk ka raportuar krimin, duke mbuluar apo fshehur informacion të rëndësishëm.
Makina që u përdor në atentat, automjeti është në pronësi të Xhino Ago-s; ai e ka huazuar makinën për përdorim nga Marselo Arani.
Policia dhe prokuroria ngrenë si pistë kryesore si motiv për vrasjen — një konflikt biznesi mes viktimës dhe personave të përfshirë. Dyshohet se mosmarrëveshjet për ndarjen e fitimit nga aktivitetet e biznesit të Mëhallës kanë çuar në përplasje që përfunduan me atentat. m.k
