Deputeti demokrat dhe drejtuesi politik i Partisë Demokratike në Elbasan, Tomor Alizoti, ka paralajmëruar zhvillime të rëndësishme në javën e fundit të fushatës elektorale. Në një deklaratë për mediat, Alizoti tha se ardhja e strategut amerikan Chris LaCivita në mbështetje të PD-së do të sjellë “surpriza pozitive” që do të ndikojnë ndjeshëm në garën e 11 majit.
“Unë mendoj se do të ketë ende surpriza për forcën tonë politike. Javët e fundit të fushatës janë vendimtare dhe ‘lajmi bombë’ do të jetë në fund të saj, për të krijuar një perceptim të fortë te qytetarët,” u shpreh Alizoti.
Ai theksoi gjithashtu se ndryshe nga Partia Socialiste, e cila sipas tij mbush takimet elektorale me punonjës administrate, aktivitetet e Partisë Demokratike karakterizohen nga pjesëmarrja e qytetarëve të lirë dhe të pandikuar. “Në mitingjet tona nuk ka nëpunës të detyruar, por qytetarë të natyrshëm që vijnë për bindje. Ato palestra të mbushura janë rezultat i një fryme të re,” deklaroi Alizoti.
Deputeti demokrat nënvizoi se Partia Demokratike, një forcë që ishte në prag të zhbërjes, ka rifituar vitalitetin dhe është, sipas tij, “i vetmi shans për të larguar këtë regjim”. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
