Foto ilsutruese
PD hap zyrtarisht fushatën më 11 prill në sheshin Nënë Tereza, ndërsa i pranishëm do të jetë edhe strategu amerikan i fushatës, Chris Lacivita.
Partia Demokratike do të çelë zyrtarisht fushatën elektorale të saj të premten, më 11 prill, pikërisht në ditën e parë të periudhës ligjore të fushatës dhe një muaj përpara zgjedhjeve vendore të 11 majit.
Mitingu i hapjes së fushatës do të mbahet në sheshin Nënë Tereza, duke nisur nga ora 19:00, ku pritet të marrin pjesë kandidatët demokratë nga e gjithë Shqipëria. Fjalën kryesore do ta mbajë lideri historik i PD-së, Sali Berisha.
Burime pranë selisë blu bëjnë me dije se në këtë aktivitet do të jetë i pranishëm edhe Chris Lacivita, strategu amerikan që po udhëheq fushatën elektorale të demokratëve për zgjedhjet e 11 majit.
Ndërkohë, një ditë më pas, më 12 prill, PD do të prezantojë programin e saj elektoral për qytetarët shqiptarë. r.p
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
