Kreu i PD, Sali Berisha foli sot në ceremoninë e përkujtimit të heronjve të 2 prillit në Shkodër ndërsa tha se Shkodra do e mësojë shumë shpejt se ç’përfaqëson Beci i Dobraçit! Spahia shkon në SPAK vetëm pse zbatoi ligjin.
DEKLARATA/ Shkodra ka ditur të triumfojë gjithmonë mbi diktatorët dhe diktaturat.
Kësaj here, Shkodra do u japë leksionin më të merituar atyre që menduan se mund ta nëpërkëmbin.
Shkodra është bastion i përjetshëm i vlerave të konservatorizmit, i besimit tek Zoti, tek familja, tek atdheu.
Këtu këto vlera nuk kanë vdekur kurrë dhe nuk vdesin kurrë.
Këto janë vlerat themelore të lirisë, këto janë vlerat themelore të konservatorizmit.
Shkodra është djepi i tyre.
…Zoti Spahia na nderon në Shkodër.
Dhe shpejt qytetarët e Shkodrës do marrin vesh se kush është ai që i qeveris aty, se çfarë përfaqëson bashkiaku i Dobraçit.
Do e mësojnë shumë shpejt.
U jap fjalën se qytetarët e Shkodrës do mësojnë shumë shpejt se ç’përfaqëson Beci i Dobraçit.
Kurse Bardh Spahia shkon në SPAK se ka zbatuar ligjin, ka mbrojtur kodin e një zyrtari, i cili nuk mund të pranojë delinkuentë në administratë.
Pra, ai proces na bën nder të gjithëve ne dhe i bën nder Shkodrës dhe çdo qytetari.
Tani, e vërteta është që ka një dosje tmerrësisht të rëndë për Benet Becin, me të cilën e mban peng Edi Rama.
Por ne jemi kundër politikës së pengjeve. a.b
