Ambasada e Shteteve të Bashkuara në Tiranë lajmëroi sot një kontroll të vazhdueshëm të vizave për qytetarët shqiptarë që e kanë përfituar atë.
Kontrolli bëhet me qëllim garantimin e ligjit dhe rregullave të emigracionit në SHBA, thuhet në një postim të ambasadës amerikane në X.
“Kontrolli i vizave amerikane nuk ndalon pas lëshimit të vizës. Ne i kontrollojmë vazhdimisht mbajtësit e vizave për t’u siguruar që ata të ndjekin të gjitha rregullat dhe ligjet e emigracionit të SHBA-së dhe ne do t’ua heqim vizat dhe do t’i dëbojmë nëse nuk e bëjnë këtë.
Departamenti i Shtetit i SHBA është i përkushtuar ta Bëjë Amerikën më të Sigurt përmes politikave më kërkuese. Një masë thelbësore është kontrolli i vazhdueshëm i vizave për të gjithë individët, duke garantuar sigurinë dhe integritetin e kombit tonë“, thuhet në deklaratën e ambasadës amerikane, të publikuar në rrjetet sociale.
Që prej tre vitesh, vizat që lëshon nga ambasada amerikane në Tiranë, kanë një kohëzgjatje 10-vjeçare. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
