Situata në Bashkinë Tiranë është tensionuar pas vendimeve të fundit të kryeministrit Edi Rama dhe të kryebashkiakut Erion Veliaj.
Erion Veliaj ka firmosur nga qelia urdhrin që mban datën 19 Mars, ku i delegon kompetencat e kryetarit, Sara Goxhajt, një nga njerëzve të më të afërt të tij.
Mbrëmjen e kaluar, Rama ka shkarkuar nga detyra Sekretarin e Përgjithshëm të Bashkisë, Alban Dokushin, dhe kryetaren e komanduar nga Veliaj, Sara Goxhaj, e cila do të shmnagte drejtimin e bashkisë nga emërtimi i Ramës, Anuela Ristani, raporton dosja.al. Në vend të tyre, ai ka emëruar si Sekretare të Përgjithshme një nga të besuarat e tij, ndërsa drejtimin e përkohshëm të bashkisë ia ka besuar sërish Anuela Ristanit.
Lëvizja e Ramës vjen si kundërpërgjigje ndaj një vendimi të firmosur nga Veliaj më 18 mars, nga qelia e tij në burgun e Durrësit. Dokumenti i nënshkruar prej tij delegonte detyrat e kryebashkiakut te Sara Goxhaj, duke sfiduar hapur autoritetin e Ramës. Sapo ka marrë vesh për këtë veprim, kryeministri ka shkuar në Bashkinë Tiranë dhe ka urdhëruar protokollin që të zhbëjë çdo vendim të firmosur nga Veliaj, duke vendosur përfundimisht njerëzit e tij në drejtimin e institucionit.
Kjo përplasje, e cila kishte kohë që ziente në prapaskenë, tani është bërë publike dhe institucionale. Kontrolli i Bashkisë Tiranë është tashmë në duart e Ramës, ndërsa Veliaj, pavarësisht se ndodhet në qeli, duket se nuk ka hequr dorë nga ndikimi i tij. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
