Bashkia e Tiranës ndodhet në një ngërç të paprecedentë administrativ, pasi prej 24 orësh asnjë nga drejtuesit e saj të lartë nuk ka kompetencat e nevojshme për të firmosur vendime në emër të kryebashkiakut Erion Veliaj, i cili ndodhet në paraburgim.
Kriza e vendimarrjes nisi pas një lëvizjeje të dyfishtë për delegimin e kompetencave. Fillimisht, Veliaj i kishte kaluar përgjegjësitë Anuela Ristanit, me kërkeeën e kryeministrit Edi Rama, por më vonë ai firmosi një tjetër urdhër, duke ia kaluar këto kompetenca Sara Goxhajt. Ky ndryshim nuk u prit mirë nga kryeministri Edi Rama, i cili ndërhyri në administratën e bashkisë duke kërkuar rikthimin e Ristanit në detyrë dhe dorëheqjen e Goxhajt dhe Sekretarit të Përgjithshëm Alban Dokushi.
Megjithatë, për ta bërë këtë rikthim zyrtar, nevojitej një tjetër firmë nga vetë Veliaj, i cili fillinisht nuk ka pranuar të nënshkruajë as këtë akt, as emërimin e Jonida Halilit në postin e Sekretares së Përgjithshme, që do të zëvendësonte Alban Dokushin.
Por më pas ai ka bërë një postim në rrjete sociale se gjithçka ka qenë një keqkuptim.
“U informova që paska plasur peshku në moçalet mediatike për përplasjen time me Ramën, për punë delegimesh.
E para njëherë, me Ramën kam vetëm mall të takohem për të folur për punët si gjithmonë dhe asgjë tjetër s’më shkon në mendje.
E dyta, kam firmosur një ridelegim me idenë e gabuar se ishte dakordësuar brenda ekipit drejtues, por kështu është kur “punon” pa informacionin e mjaftueshëm.
E fundit, kërkoni e gërmoni ku të doni tani, se u bë sport ky falë edhe prokurorit tim të dashur, por në marrëdhënien time me Ramën lodheni kot fare fare, se është plazmuar në kohëra të vjetra dhe nuk e ndryshon dot asnjë kohë, sado e mallkuar qoftë. Delegimi është rikthyer aty ku ishte dhe këtu mbyllet edhe keqkuptimi”, shkruan Veliaj.
Si pasojë e këtij bllokimi, Bashkia e Tiranës nuk ka prodhuar asnjë dokument zyrtar që nga dita e djeshme, duke lënë pezull vendime dhe urdhra të rëndësishëm për funksionimin e institucionit. Ndërhyrja e kryeministrit Edi Rama është e paligjshme dhe vetëm këshilli bashkiak mund të marrë vendime të natyrës së promovimit në bashki pas largimit të kryetarit.
Pas gjithë këtij lëmshi kreu i PD, Sali Berisha ka postuar në lidhje me postimet e çuditshme të Veliajt ditën e sotme. Ai citon qytetarin dixhital që shpjegon se postimet nuk bëhen nga Veliaj por nga zyrtarë të Kryeministrisë.
“Breaking News!
Dëshmi tronditëse!
Statuset e Erion Velisë kundër prokurorëve, i shkruante Edi Rama dhe zyra e tij!
Lexoni dëshminë e qytetarit dixhital!
Pershendetje dr Erion Veliaj nuk eshte ne dijeni te statuseve te fb , ashtu sikurse Veluaj nuk ka shkruajtur asnje status kunder SPAK . Apsi kryeredaktori eshte GJITHMONE EDI RAMA.
Zyra e shtypit merr urdhra dhe detyrohet nga Rama , Mazniku dhe Fuga.
Erion Veliaj delegon firmen Nenkryetares se re Sara Goxhaj, por Rama urdheron shkarkimin e menjehershem per Sara Goxhaj dhe sekretarin e pergjithshem Alban Dokushi. Pas daljes se ketij urdheri nga kryetari ne fuqi Erion Veliaj, Rama shkon ne bashki me britma dhe urdheron ne oret e vona Protokollin te veproj. Dy persona qe jane krahu i djatht i Veliaj njihen per kontributin e tyre ne bashki dhe ne Partine Socialiste”, shkruan qytetari digjital. a.b
