PD sqarim për ndryshimet në listën e kandidatëve të Qarkut Elbasan
Partia Demokratike ka sqaruar publikisht arsyet e zhvendosjes së kandidatit të Qarkut Elbasan, Z. Renato Kumrija, duke theksuar se ky ndryshim është një detyrim ligjor për të siguruar pajtueshmërinë me kriteret zgjedhore dhe mbikëqyrjen nga KQZ.
Sipas ligjit zgjedhor, në çdo treshe kandidatësh njëri duhet të jetë grua. Pas kujtesës dhe këmbënguljes së KQZ për të respektuar këtë kriter, PD ka bërë përditësimin e listës duke vendosur zj. Elsa Gega në vend të Z. Kumrija. Elsa Gega nuk ka qenë në listë.
“PD thekson se ky zëvendësim është rezultat i një rishikimi të plotë të listës së kandidatëve, ku janë marrë parasysh edhe përfaqësimet zonale. Gjithashtu, sqarojnë se ky ndryshim nuk lidhet me kriteret e primareve apo ndonjë arsye tjetër, por vetëm me përputhshmërinë ligjore të listës”, thuhet në njoftimin e PD.m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
