Presidenti Donald Trump kërkoi sot mbylljen e USAID duke avancuar me lëvizjet e tij kundër një prej agjencive më të mëdha të qeverisë amerikane.
“Korrupsioni në USAID është në nivele të paprecedenta. Mbylleni atë!”, shkruan sot presidenti amerikan në platformën e tij, Truth Social.
Agjencia kryesore amerikane që shpërndan ndihma humanitare, eksperiencë dhe ekspertizë në nivel ndërkombëtar, me një buxhet mbi 40 miliardë dollarë në vitin fiskal 2023 është tashmë e pezulluar nga DOGE, departamenti i eficensës së qeverisë që drejtohet nga Elon Musk.
USAID është kritikuar nga administrata e Trump për asocimin e saj me objektivat DEI të Fondacionit Soros dhe shpenzime në projekte që nuk mbrojnë politikat dhe interesat amerikane. Po ashtu ajo akuzohet për korrupsion dhe klientelizëm, mbështetje të oligarkive të majta ndërsa Shqipëria është përmenduar në disa postime të Musk dhe zyrtarëve të tjerë për shpërdorime të fondeve të USAID. Në një rast u publikuan dokumenta ku të njëjtët zyrtarë nga BB në Tiranë, Fondacioni Soros etj jepnin vlerësime për ndarjen e fondeve. r.p
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
