Një 37-vjeçar me origjinë nga Kosova, Sabit Haxhiaj, është gjetur i pajetë në një stacion treni në Strasburg, raportojnë mediat lokale. Sipas informacioneve nga Rue89Strasbourg, Haxhiaj, i cili flinte në një strehë të improvizuar, kishte kaluar natën me një mikun e tij, i cili ishte edhe personi që njoftoi autoritetet.
Ngjarja ka ngritur shqetësime të reja për mungesën e akomodimit urgjent për personat në situatë të pastrehë. Haxhiaj, i cili kishte emigruar në Francë që fëmijë dhe ishte me banim të ligjshëm, nuk kishte mundur të gjente një strehë të sigurt.
Një punonjëse sociale, që e njihte të ndjerin, është shprehur e trishtuar për këtë humbje:
“Çdo ditë kemi rreth 20 njerëz që kërkojnë strehim dhe ne nuk arrijmë dot ta realizojmë për të gjithë.”
Nga ana tjetër, deputetja Floriane Varieras e ka lidhur këtë rast me temperaturat minimale dhe mungesën e politikave të duhura sociale për të pastrehët.
Sipas statistikave, vetëm në periudhën Nëntor 2023 – Nëntor 2024, 23 të pastrehë kanë humbur jetën në Strasburg, duke e bërë këtë problem një emergjencë humanitare në qytet. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
