Greqia vijon të përjetojë një situatë të tensionuar pas një serie tërmetesh që kanë goditur ishujt në Santorini gjatë orëve të fundit. Më i fundit, me magnitudë 4.7 ballë, u regjistrua vetëm pak minuta më parë, rreth 34 km në veri të ishullit Kymi, duke shkaktuar panik mes banorëve, të cilët u detyruan të braktisin banesat.
Fatmirësisht, deri më tani nuk ka raportime për të lënduar, por frika mbetet e madhe ndërsa aktiviteti sizmik vazhdon.
Për të përballuar situatën, kryeministri Kyriakos Mitsotakis zhvilloi gjatë natës një takim urgjent me ekspertët e sizmiologjisë dhe ekipet e emergjencave për të koordinuar masat mbrojtëse. Ndërkohë, autoritetet kanë pezulluar procesin mësimor në shkollat e zonave të prekura dhe u kanë bërë thirrje qytetarëve të shmangin qëndrimin pranë porteve, për shkak të rrezikut të lëkundjeve të mëtejshme.
Gjendja mbetet e pasigurt, ndërsa ekipet e emergjencave janë në gatishmëri. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
