Një situatë alarmante është shënuar sot rreth orës 12:38 në zonën e Bunecit, Lukovë, ku dyshohet se diga e hidrocentralit është çarë, duke shkaktuar rrezik të madh për përmbytje në zonën përreth.
Shërbimet e Policisë dhe emergjencave civile kanë mbërritur menjëherë në vendngjarje dhe po punojnë për të siguruar evakuimin e çdo personi që mund të jetë në rrezik. Deri më tani, raportohen vetëm dëme materiale, ndërsa autoritetet po monitorojnë situatën nga afër për të shmangur përkeqësimin e saj.
Në një njoftim për qytetarët, Policia ka bërë thirrje që të shmangen lëvizjet në zonën e rrezikuar dhe të raportohet menjëherë çdo rast emergjence. “Kjo është një situatë serioze dhe kërkojmë bashkëpunimin e qytetarëve për të ruajtur sigurinë e tyre dhe të të tjerëve,” u tha në deklaratën zyrtare.
Çarja e digës, edhe pse ende e paqartë në shkaqe, ka ngritur shqetësime për gjendjen e infrastrukturës së hidrocentraleve dhe masat parandaluese të sigurisë.
Në vendngjarje janë dërguar ekipet teknike. Autoritetet pritet të japin një raport të detajuar mbi ngjarjen dhe masat që do të ndërmerren në orët në vijim.a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
