36 institucione arsimore kanë vendosur faqet e tyre zyrtare në rrjetet sociale në shërbim të fushatës elektorale të Partisë Socialiste (PS), në kundërshtim me ligjin.
Sipas denoncimit, që nga data 1 janar, monitoruesit e Qëndresës Qytetare kanë identifikuar se faqet zyrtare të institucioneve si shkollat 9-vjeçare, shkollat e mesme, zyrat vendore të arsimit dhe Agjencia Kombëtare e Arsimit Parauniversitar kanë shpërndarë postime me përmbajtje elektorale, duke promovuar aktivitete të Partisë Socialiste dhe të ministres Ogerta Manastirliu.
Në listën e institucioneve të përfshira në kallëzim janë: 15 shkolla 9-vjeçare; 2 shkolla të mesme të përgjithshme; 1 shkollë e mesme pedagogjike; 13 zyra vendore arsimore; 4 drejtori rajonale të arsimit parauniversitar; Agjencia Kombëtare e Arsimit Parauniversitar
Qëndresa Qytetare u ka bërë thirrje qytetarëve të denoncojnë çdo rast të ngjashëm të abuzimit me asetet publike gjatë fushatës zgjedhore për zgjedhjet e 11 majit. a.b
