Bratislav Zhivkoviç, lideri i njohur i grupit ekstremist serb të çetnikëve, është vrarë gjatë përleshjeve në rajonin e Kurskut, në kuadër të kundërofensivës ruse në Ukrainë, raportojnë mediat nga Ballkani.
Zhivkoviç ishte një figurë kontraverse dhe ndikoi në përshkallëzimin e tensioneve në Ballkan. Në veri të Kosovës, ai luajti një rol kyç në organizimin e barrikadave që synonin të sfidonin autoritetet kosovare, duke rritur tensionet ndëretnike në rajon. Përtej Kosovës, ai kishte një histori të gjatë përfshirjeje në konflikte jashtë Serbisë. Ai organizoi grupe mercenarësh serbë për t’u bashkuar me separatistët pro-rusë në lindje të Ukrainës, duke kontribuar në përpjekjet për destabilizim të rajoneve të prekura nga lufta.
“Figura e tij ishte e lidhur ngushtë me retorikën nacionaliste dhe veprimet që shpesh nxisnin konflikte etnike. Aktivitetet e tij kundërshtonin hapur ligjet ndërkombëtare dhe synonin përhapjen e ndikimit serb jashtë kufijve të vendit”, raporton Telegrafi.
Vdekja e Zhivkoviçit shënon fundin e një prej figurave më të spikatura të ekstremizmit serb, por gjithashtu ngre shqetësime për përfshirjen e individëve dhe grupeve nga Ballkani në konflikte të huaja.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
