Gjykata e Tiranës
Gjykata e Tiranës vendosi sot për konfiskimin e 7 vilave të ndërtuara pa leje, ndërsa u shpallën fajtorë 9 persona për ndërtim të paligjshëm dhe falsifikim dokumentesh.
Prokuroria pranë Gjykatës së Shkallës së Parë Tiranë ka përfunduar një hetim intensiv lidhur me ndërtimet pa leje dhe falsifikimin e dokumenteve, duke çuar në shpalljen fajtorë të nëntë personave dhe konfiskimin e shtatë vilave të ndërtuara në mënyrë të paligjshme në zonën e Mulletit.
Sipas Prokurorisë, hetimet përfshinë marrjen në pyetje të të dyshuarve, sekuestrimin e dokumenteve nga institucionet përgjegjëse dhe kryerjen e ekspertimeve teknike. U zbulua se në ekonominë pyjore të zonës, vila të pajisura formalisht me leje rindërtimi rezultuan me dokumentacion të falsifikuar, duke cenuar kështu fondin pyjor dhe duke shkelur ligjin.
Personat e shpallur fajtorë janë:
1.A.P., arkitekt, për “Falsifikim dokumentesh”;
2.K.B., arkitekt, për “Falsifikim dokumentesh”;
3.M.T., për “Ndërtim të paligjshëm” dhe “Falsifikim dokumentesh”;
4.F.Z., për “Ndërtim të paligjshëm” dhe “Falsifikim dokumentesh”;
5.A.T., për “Ndërtim të paligjshëm” dhe “Falsifikim dokumentesh”;
6.M.D., për “Ndërtim të paligjshëm” dhe “Falsifikim dokumentesh”;
7.T.V., për “Ndërtim të paligjshëm” dhe “Falsifikim dokumentesh”;
8.D.D., për “Ndërtim të paligjshëm”;
9.A.H., për “Ndërtim të paligjshëm” dhe “Falsifikim dokumentesh”.
Në përfundim të procesit gjyqësor, Gjykata urdhëroi konfiskimin e shtatë vilave dhe dënimin e të pandehurve për veprat penale të “Ndërtimit të paligjshëm” dhe “Falsifikimit të dokumenteve”, sipas neneve 199/a dhe 186 të Kodit Penal.
Hetimet vazhdojnë për të identifikuar bashkëpunëtorë të mundshëm dhe për të hetuar përgjegjësinë e enteve publike për veprat penale të “Falsifikimit të dokumenteve” dhe “Shpërdorimit të detyrës”. a.b
