Deputetët e PS votuan këtë të martë buxhetin e vitit 2025. Buxheti kaloi me 75 vota pro, 24 kundër dhe 0 abstenime.
Buxheti i vitit 2025 prej 8.2 mld eurosh dhe 24 votat kundër ishin nga deputetët e opozitës.
Mazhoranca rrëzoi sot mbi 50 amendamente të opozitës për buxhetin 2025.
Miratimi i Buxhetit vetëm me votat e mazhorancës dhe refuzimi i amendamenteve të PD, reagon Gazment Bardhi: Buxheti i thellimit të varfërisë për qytetarët shqiptar.
Kryetari i Grupit të PD, Gazment Bardhi tha se buxheti i miratuar për vitin 2025 është buxheti i mirëqenies personale të Edi Ramës dhe një grushti njerëzish rreth tij, dhe buxheti i thellimit të varfërisë për qytetarët shqiptar.
“Vota e Edi Ramës dhe deputetëve të tij kundër 34 propozimeve të bëra nga Grupi Parlamemtar i PD në Buxhetin e Shtetit 2025 nuk është votë kundër deputetëve të opozitës, por është votë:
kundër pensionistëve,
kundër fermerëve,
kundër të rinjëve,
kundër studentëve,
kundër bizneseve,
kundër ish- të përndjekurve,
kundër pronarëve,
kundër shërbimit cilësor shëndetësor apo arsimor,
kudër qytetarëve në nevojë dhe në varfëri ekstreme,
kundër minatorëve,
kundër mësuesve apo kundër mjekëve.
Në vitin e 12 të qeverisjes, edhe me Buxhetin e fundit të qeverisë së tij, Edi Rama provojë edhe njëherë se është në pushtet për mirëqenien e tij dhe rrethit pranë tij, dhe asnjë ditë për mirëqenien e qytetarëve. Në 12 vite vetëm kundër qytetarëve, kundër interesit publik, kundër Shqipërisë”, deklaroi Gazment Bardhi pas votimit. r.p
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
