Vendi i ngjarjes
Autori i dyshuar i vrasjes së 50-vjeçarit, Alfred Dedja në Ndroq, qëlloi menjëherë ndaj shënjestrës kur ky i fundit iu afrua tavolinës së vrasësit në një lokal në afërsi të shtëpisë së Alfredit.
Autori i vrasjes është Julian Gjoshi, besohet, kunati i një emri të njohur për policinë në zonën e Shijakut, Altin Hajri.
Emri i Julian Gjoshit figuron edhe në përgjimet e aplikacionit “SKY ECC” ku kunati i tij, Altin Hajri i cili i është futur “mik” te ish-deputeti socialist, Jurgis Çyrbja.
Sipas SPAK, Hajri ka komunikuar me Çyrbjen në janar të vitit 2021 dhe e ka vënë në dijeni për arrestimin e kunatit të tij, Julian Gjoshi (i arrestuar me pistoletë ‘Bereta” më 19 Janar 2021 në Tiranë).
Pronarit i kompleksit “Golden” në Shijak do të paguante deri në 20 mijë euro, vetëm që të prishej prova. Hajri thekson se i arrestuari ishte kunati i tij dhe se ishte kapur me pistoletë pa leje. Lirimi duhej bërë në seancën e masës së sigurisë, më 21 Janar 2021, thuhet në dosjen e SPAK për ish deputetin e Durrësi, Jurgis Çyrbja.
Pista kryesore që po hetohet për vrasjen e 50-vjeçarit në fshatin Ndroq në Tiranë, është ajo e konflikteve mes autorit, Julian Gjoshi dhe viktimës Alfred Dedja, njoftoi policia e Tiranës.
Në momentin e vrasjes klientët në lokal janë ngritur nga karriget dhe janë larguar me vrap. Dedjq jetonte në Itali dhe njihej edhe me pseudonimin “Daku”. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
