Gjykata e Posaçme ka lënë në fuqi sot masat e sigurisë arrest në burg për 14 anëtarët e grupit kriminal që drejtohej nga Suel Çela.
Masa ndryshoi vetëm për avokaten Blerina Beqirin, nga arret shtëpie në detyrim paraqitje. Ndërkohë masa detyrim paraqitje mbetet në fuqi edhe për gazetarët Elton Qyno dhe Artan Hoxha.
Në burg do vijojnë të qëndrojë: Mario Çela (arrestuar në Itali, i arrestuar më parë për vepër tjetër penale), Xhino Roka, Klaus Matishi, Sergei Hasanpapaj (arrestuar në Belgjikë), Bruno Azizolli, Ledio Zabeli, Marsel Roka, Ado Xhika, Metin Mehja, Renato Hasani, Pajtime Fetahu, Dedan Gjoni, Bujar Shega (arrestuar në Itali), Hajdar Lala.
Vijojnë në kërkim me masë sigurie arrest në burg: Suel Çela, Prekë Kodra, Fuad Verzivolli, Skënder Sufaj. a.b
