Partia Demokratike kërkon nga organet e zbatimit të ligjit të hetojnë pasurinë e deputetit Eduart Shalsi si dhe ndikimin e tij për përfitimin e parave publike nëpërmjet bashkëshortes së licencuar për eficencën e energjisë dhe konsulencës së saj në investimet shtetërore të implementuara nëpërmjet procedurave në institucionet shtetërore.
Sipas disa llogarive dhe investigimi në deklaratat e subjektit që drejton e shoqja e Shalsit ka një sasi parash të paverifikueshme.
”Subjekti jo vetëm që nuk ka tërhequr mjete monetare nga aktiviteti tregtar, por e ka ndihmuar biznesin me 35.740.000 lekë, nisur nga fakti që në Pasqyrën e Ndryshimeve në Kapital për vitin 2023 në seksionin II pika 3 ka emetim kapitali, që do të thotë sipas kuptimit të fjalës “emetim”, Personi Fizik ka futur në qarkullim për interes të aktivitetit tregtar 35.740.000 lekë
Dhe mbërrijmë tek pyetja : Me çfarë parash kreu znj.Shalsi pagesën 300 mijë euro të pasurive të paluajtshme kur nga aktiviteti tregtar me të dhëna të dyshimta, jo që nuk ka tërhequr para për këto blerje, por e ka ndihmuar biznesin me rreth 357 mijë euro …
Nga ana tjetër, kujtojmë z.Shalsi, se nenet 28 dhe 35/2 të ligjit nr.9367, datë 7 Prill 2005 “Për parandalimin e konfliktit të interesave në ushtrimin e funksioneve publike” i ndryshuar, citojnë si antiligjore të ardhurat e krijuara nga ushtrimin i biznesit privat me anë të të cilit deklarohet rritja e pasurisë me të paktën 300 mijë euro”, deklaroi sot zëdhënësja e PD për antikorrupsionin Genta Vangjeli. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
