Një numër qytetarësh protestuan edhe sot tek bashkia e Tiranës ku kërkuan hetimin dhe largimin e kryetarit Erion Veliaj për skandalin e inceneratorëve dhe 5D.
Anëtarja e këshillit bashkiak, Ilda Zhulali tha se në mbledhjen e fundit të bashkisë së Tiranës, këshillltarët socialistë vendosën që familjet në nevojë të mernin si ndihmë sociale vetëm 30 mijë lekë të vjetra, ndërkohë që kryebashkiaku i tyre çon 2.4 milion euro në muaj tek një incinerator fantazëm që nuk ekziston.
“30 mijë lekë të vjetra ju japin ndihmës sociale 248 familjeve në Tiranë, ndërsa Zotos e Mërtiri e kanë çmimin 2.4 milion euro në muaj, e ndaj ne jemi sot këtu sepse jemi kundër këtij poshtërimi që i bëhet çdo qytetari te Tiranës.
Në mbledhjen e fundit të Këshillit Bashkiak të gjithë këshilltarët socialistë nxorrën nëpër rrjete sociale që shiko se ne kemi votuar për ndihmën sociale në Tiranë e opozita është kundër, por a e di se me çfarë krenohen këta? Se këta janë edhe primitivë!
Tani zgjedhjen bëjeni ju, sa kushton jeta juaj qytetarë të Tiranës sa kushton jeta e fëmijëve tuaj? 30 mijë lekë se aq jua ka vënë çmimin Erion Veliaj.
Ndërsa Zoto e Mërtiri e kanë çmimin 2.4 milion euro në muaj, e ndaj ne jemi sot këtu spese jemi kundër këtij poshtërimi që i bëhet çdo qytetari te Tiranës e ju të dashur policë keni zgjedhur ta shisni veten tuaj sepse aq para ju ka dhënë Veliaj, vetëm 30 mijë lekë”, tha Zhulali. a.b
