Pas vrasjes së liderit të Hezbollahut, Hassan Nasrahllah nga ushtria izraelite, udhëheqësi suprem i Iranit, Ayatollah Ali Khamenei është dërguar në një vend të sigurt brenda Iranit, njoftoi agjenci e lajmeve Reuters.
Dy zyrtarët rajonalë nga Teherani i thanë Reuters se Khamenei ishte zhvendosur në një vend të sigurt.
Vrasja e Nasrahllah ishte një paralajmërim për Iranin dhe liderët e tij siç u shpreh kryeministri izraelit Netanyahu.
“Dhe regjimit të ajatollahëve, unë i them: Ata që na godasin ne, ne do t’i godasim. Nuk ka vend në Iran apo në Lindjen e Mesme që krahu i gjatë i Izraelit nuk mund ta arrijë. Sot, ju tashmë e dini se kjo është e saktë”, tha Benjamin Netanyahu.
Vrajsa e Nasrallah dy ditë më parë është një goditje e madhe për Iranin.
Hezbollah përballet me sfidën e zgjedhjes së një drejtuesi të ri. Safieddine besohet se do të jetë pasardhësi i Hassan Nasrahalla. Safieddine mbikëqyr çështjet politike të Hezbollahut. Ai është gjithashtu anëtar i Këshillit të Xhihadit, i cili menaxhon operacionet ushtarake të grupit. Safieddini është kushëri i Nasrallahut dhe një klerik që mban çallmën e zezë që tregon prejardhjen nga profeti i Islamit Muhamed.
Departamenti Amerikan i Shtetit e përcaktoi atë terrorist në vitin 2017 dhe në qershor ai kërcënoi një përshkallëzim të madh kundër Izraelit pas vrasjes së një komandanti tjetër të Hezbollahut. a.b
