Kryeministri Edi Rama lajmëroi sonte përmes postimeve në rrjete sociale një kompani tjetër të përbashkët me arabët e Emirateve, pas asaj të Durrës Jaht Marina.
Ai ka vendosur për një ndërmarrje që përfshin KESH, kompaninë e menaxhinit të afro 6 % të GDP së vendit dhe kompanisë MAZDAR në Emirate, një kompani që synon tregun e energjisë së rinovueshme.
“Me mikun e çmuar Sultan Ahmed Al Jaber, Ministër i Industrisë dhe Teknologjisë së Avancuar të Emirateve të Bashkuara Arabe, për dy projektet e mëdha të energjisë që po finalizojmë bashkarisht, krijimin e kompanisë së përbashkët të prodhimit energjitik KESH&MAZDAR, e cila do të ketë një portofol të ri ambicioz investimesh në Shqipëri e në rajon dhe së dyti, ndërtimin e linjës nënujore të transmetimit të energjisë me Italinë, në një bashkëpunim tripalësh Shqipëri-EBA-Itali”, shkruan Rama nga New York. m.k
