5 persona nga Kruja janë vënë në pranga sot pasi kërcënuan kreun e FSHF, Armand Duka.
Redian Loci, Petrit Selmani, Brajan Selmani, Santiago Selmani dhe Nazmi Selmani janë vënë në prangat e Policisë së Durrësit pasi në bashkëpunim me njëri-tjetrin kërcënuan për shkak të detyrës, Dukën.
Ata i dërguan një sms kreut të FSHF me përmbajtje kërcënuese.
“.pyte nonen e kalamajve tuj pyti fmijt e tuj a i kam bo un me qajt…”
Bëhet me dije se Nazmi Selmani është Presidenti i klubit të futbollit Iliria, e cila militon në Kategorinë e Dytë në Shqipëri. Ndërkohë që Adolfo Selmani, po procedohet në gjendje të lirë.
”Arrestimi dhe procedimi i tyre u bë pasi: Më datë 30.08.2024, rreth orës 21:30, kanë kërcënuar me anë të një mesazhi telefonik për shkak të detyrës shtetasin A.D, 62 vjeç, banues ne Durrës dhe më pas rreth orës 22:30, i kanë shkuar te banesa, me qëllim kërcënimin e tij.
Pas marrjes së njoftimit, shërbimet e Policisë organizuan punën, duke lokalizuar, kapur dhe shoqëruar në Komisariat personat e dyshuar.
Në përfundim të veprimeve të para hetimore u bë arrestimi në flagrancë i pesë shtetasve dhe procedimi në gjendje të lirë i dy të tjerëve”, njoftoi policia e Durrësit.
Materialet i kaluan Prokurorisë Pranë Gjykatës Shkallës Parë të Juridiksionit të Përgjitheshëm Durrës për veprën penale “Kanosja për shkak të detyrës” e kryer në bashkëpunim. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
