Erion Braçe është deputet i PS për Divjakën. Kur shkon atje porosit për ushqim guacka që janë të ndaluara të mblidhen dhe nuk vë në gojë asnjë perime, frut apo diçka tjetër të prodhuesve të tij.
Me dhjetra raste janë kur produktet e disa fermerëve të Myzeqesë kanë dalë të ndotura me kimikate mbi normat. Kjo me qëllim fitimin e përparësive në treg qoftë në kohë e qoftë në sasi pa marrë parasysh pasojat e rënda në shëndetin e shqiptarëve. Tashmë dihet rritja e numrit të të sëmurëve me kancer apo sëmundje të tjera që lidhen me transformime biologjike për shkak të stimuluesve të tillë nga ushqimi.
Natyrisht që kjo dëmton në tërësi produktet e fermerëve të Myzeqesë apo zonave të tjera edhe pse shumë prej tyre kanë respektuar normat.
Mungesës së kontrollit të institucioneve si AKU, laboratorëve efikas, shtrirjes së korrupsionit në rrjetin e farmacive bujqësore, i shtohet kryesisht gjatë verës, edhe deputeti i PS, Erion Braçe.
Ai frymëzon këdo që ka pasuruar kopshtin me kimikate ta bëjë edhe më shumë, dhe të gjithë ata që nuk e kanë bërë ta bëjnë në të ardhmen. Nuk thotë asnjëherë diçka për krijimin e një sistemi kontrolli me laboratore, ndonjë task force që ndan banditët e kopshteve nga ata të tjerët që janë të përgjegjshëm, nisma apo vendimarrje që rritin besimin tek bujqit dhe produktet e tyre.
Braçe poston si një ndikues tik toku, njëfarë agroseksizmi që synon me shumë të zbavitë se sa të shpjegojë, pa ide, pa zgjidhje, i rrëgjuar nga guackat e trojeve të kënetës. Droni.al
