Rama sot në Prishtinë, nuk ka takim me Albin Kurtin

Kryeministri Edi Rama zhvillon sot më 10 qershor, një vizitë në Republikën e Kosovës, me rastin e 25 vjetorit të ndërhyrjes së NATO-s dhe çlirimit të Kosovës ndërsa ka shmangur një takim me homologun e tij Albin Kurti.

Në nisje të vizitës, Kryeministri Rama do zhvillojë një takimkokë më kokë me Presidenten e Kosovës Vjosa Osmani.

Më pas, Kryeministri Rama do të marrë pjesë në KonferencënNdërkombëtare “Rugova dhe Perëndimi”, dedikuar këtijpërvjetori, që mbahet në nderim të trashëgimisë politike të Presidentit Rugova, si dhe të vendeve aleate, të cilat patën një rol thelbësor gjatë viteve të luftës në Kosovë.

Rama duhet të ketë ndryshuar qëndrim ndaj kontributit dhe lidershipit të Rugovës. Në fjalimin e patë që mbajti në Parlamentin e Kosovës si kryeministër i Shqipërisë ai shmangu nga fjalimi Rugovën duke i detyruar deputetët e LDK të linin sallën gjatë fjalës së tij në shenjë mospranimi.

Kryeministri Rama do t’i adresohet një prej paneleve tëKonferencës, ku do të jetë së bashku me personalitete ndërkombëtare të mirënjohur për kontributin e tyre politik në periudhën e luftës, mes të cilëve ish Kryeministri i Mbretërisë së Bashkuar Tony Blair dhe ish Kryeministri Italian Massimo D’Alema.

Në vijim të agjendës, Kryeministri Rama do të pritet nga kryetari i Komunës së Prishtinës Përparim Rama, ku në njëceremoni të posaçme do të nderohet me Çelësin e Qytetit.

Ndër të tjera, Kryeministri Rama do të marrë pjesë edhe në çeljen e ekspozitës së veçantë “Reporting House”, njëretrospektivë e fuqishme e mediave gjatë periudhës së luftës nëKosovë, ku përmes artefakteve të gazetarëve dhe veprave tëartistëve, vizitorët do të njihen me historinë e luftës së viteve1998-1999 dhe ndikimin e saj në dekadat që pasuan.

10 qershori i vitit 1999 shënon fundin e luftës në Kosovë dhetërheqjen e trupave serbe, pas 78 ditë bombardimesh ajrore të NATO-s. a.b

/DRONI.al/