Policia greke arrestoi sot Eduard Danajn, autorin e dyshuar të vrasjes së bashkëshortes së tij. Enkeleida, e shoqja, u gjet sot pa jetë e goditur me thikë, mëngjesin e kësaj të enjteje në Menidi të Greqisë.
40-vjeçarja nga Vlora u gjet e pajetë nga kalimtarë të rastit në rrugë ndërsa afër saj u gjet edhe çanta që mbante me vete, çka përjashton për policinë pistën se ajo mund të jetë vrarë për grabitje.
Dëshmitarët e rastit deklaruan për mediat greke se kishin dëgjuar vetëm thirrjet e 40-vjeçares për ndihmë, ndërsa nuk kishin arritur ta shikonin autorin.
Një prej banorëve ka dhënë një dëshmi rrëqethëse pas ngjarjes. Ajo tregoi se vajza e 40-vjeçares ka ardhur pranë vendit të ngjarjes në gjendje shoku, duke folur në celular dhe duke thënë se i ati i vrau mamanë.
“Një vajzë e vogël erdhi pranë skenës së krimit dhe tha se “mbase është mamaja ime”, ndërkohë që vetëm qante. Ajo i tregoi një foto policisë dhe kështu ato mundën që të identifikojnë mamanë e saj. Ajo tha se e ëma nuk kishte shkuar në punë sot dhe pasi i tregoi foton policisë tregoi se babai i saj e ka vrarë atë”, tha dëshmitarja sipas asaj që raporton Protothema.
I shoqi. Danaj u kap në zonën e Filit sipas asaj që raportojnë mediat greke.r.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
