Janë zbardhur motivet që besohet se janë të lidhura me vrasjen e policit sot në Fier.
Një ngjarje e hershme, 9 vite më parë ndodhur në Has mund të jetë edhe shkaku i vrasjes së sotme në Baltëz të Fierit ku një poliv, Novruz Cenalia, 28 vjeç u qëllua për vdekje.
Ai u qëllua nga Asllan Mernica, i cili u largua nga vendi i ngjarjes dhe policia është vënë në ndjekje të tij.
Viktima dhe autori i ngjarjes janë me origjinë nga Hasi dhe shkak për ngjarjen dyshohet të jetë bërë gjakmarrja. 9 vite me parë, babai i efektivit rezulton të ketë qenë i përfshirë në një ngjarje të rëndë ku ka mbetur një i vrarë me mbiemrin Harulla (Sali).
Polici Cenalia u qëllua në mesditë.
“Rreth orës 13:15, në fshatin Baltëz, dyshohet se gjatë një konflikti të çastit, shtetasi A. M. ka vrarë me armë zjarri shtetasin N. C., punonjës policie i Forcës së Posaçme “Shqiponja” të DVP Fier, jashtë shërbimi, por i veshur me uniformën e Policisë, pasi shkonte për të marrë shërbimin”, thuhet në njoftimin e policisë së Fierit. a.b
