Është ekzekutuar me armë zjarri në banesën e tij, Gentian Bejtja. Ngjarja ka ndodhur në Larushkë të Fushë Krujës ndërsa rrethanat momentalisht nuk janë të qarta.
Lajmi u konfirmua nga policia.
“Në fshatin Larushk, Krujë, nga persona ende të paidentifikuar është vrarë me armë zjarri shtetasi G. B.
Një grup i posaçëm hetimor, nën drejtimin e Prokurorisë, vazhdon punën për sqarimin e rrethanave të ngjarjes, identifikimin dhe kapjen e autorëve të dyshuar”, njoftoi policia e Krujës.
42-vjeçari Bejtja u kishte shpëtuar deri më tani 3 atentateve. Atentati i fundit ishte me 4 Korrik të vitit 2023 atij iu bë një atentat afër banesës ku mbeti i vrarë kunati i tij Ramazan L. Sino 29 vjeç dhe të plagosur Alvi G. Bejtja 13 vjeç dhe djali tjetër 10 vjeç.
Më 9 Janar të vitit 2022, Gentian Bejtja i shpëtoi një atentati në afërsi të Niklës në Fushë-Krujë, ndërsa mbeti i plagosur miku i tij 31-vjeçar Klodian Stafuka.
Ndërsa vite më parë Gentian Bejtja i shpëtoi një atentati me eksploziv të ndodhur në Shtator të vitit 2016 kur në mjetin e tij një sasi eksplozivi.
Një makinë është gjendur e djegur në fshatin Hasan dhe mendohet se u përket atentatorëve.
Bejtja nuk frekuentonte shtëpinë e tij në Larushkë prej kohësh. a.b
