Kishin përshtatur një qendër masazhesh, për veprimtarinë e kundërligjshme të prostitucionit, vihet në pranga një 31-vjeçare, shpallet në kërkim bashkëpunëtori i saj.
Gjithashtu, vihen në pranga 2 shtetas dhe procedohen penalisht 5 të tjerë.
U arrestuan Etleva Osmani, 31 vjeçe, banuese në Tiranë, e dënuar më parë për të njejtën veprimtari kriminale, Igli Borri, 21 vjeç, banues në Skrapar, klient në qendrën e masazheve dhe Manuela Cullhaj, 37 vjeçe, banuese në Durrës, punonjëse në qendrën e masazhit.
U proceduan penalisht: D. H., 38 vjeçe, L. S., 25 vjeçe, punonjëse në qendrën e masazheve; A. B., 34 vjeç, A. I., 28 vjeç, dhe K. A., 21 vjeç, klientë në qendrën e masazheve; po punohet për kapjen e shtetasit O. Rr., 38 vjeç.
Shtetasit O. Rr. dhe Etleva Osmanaj administronin një qendër masazhesh, në Rrugën Bardhyl, në të cilën përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.
Në cilësinë e provës materiale u sekuestruan shuma parash të dyshuara të përfituara nga kjo veprimtari e paligjshme, aparate celulare, një pajisje DVR dhe një automjet. a.b
