Çfarë pritet të ndryshojë në statutin e PD, kush bëhet nënkryetar dhe anëtar kryesie

Pritet që kryesia e PD të propozojë 2 ndryshime në statut për të përfshirë në strukturat drejtuese të PD deputerë të PD të rikthyer rishtazi në parti.

Bëhet fjalë për nenet 47 dhe 51 të cilat prekin përkatësisht përbërjen e kryesisë dhe pozicionin e nënkryetarëve të PD.

Nëse këto ndryshime ndodhin atëherë Bardhi dhe Gjekmarkaj do të jenë n/kryetarë partie dhe në kryesi ndërkohë kryesia do të shtojë edhe kryesinë e grupit parlamentar rreth 9 deputetë.

Ndryshimet e pritshme në Neni 47

Kryesia e Partisë

1. Kryesia e Partisë drejtohet nga Kryetari i Partisë dhe përbëhet nga:

a) Kryetari i Partisë;

b) Dy nënkryetarët e Partisë,

c) Sekretari i Përgjithshëm;

d) Kryetari i Këshillit Kombëtar;.

e) Njëzet anëtarë të zgjedhur me votim të fshehtë nga Këshilli Kombëtar, sipas një liste të miratuar në Kryesinë e partisë me propozim të Kryetarit të Partisë ose kandidaturave të mbështetura nga jo më pak se 15% e anëtarëve të Këshillit Kombëtar. Jo më pak se 30% e antarëve të zgjedhur të Kryesisë duhet të jenë nga gjinia më pak e përfaqësuar.

2. Anëtari i Kryesisë nuk mund të mbajë mandat tjetër përveç atyre të parashikuar në gërmat a), b), c) dhe d) të pikës 1 të këtij neni.

3. Në rast se pas përcaktimit të përbërjes së Kryesisë së PDSH, sipas pikës 1 të nenit 47, deputetë anëtarë të Kryesisë së Grupit Parlamentar të PDSH, nuk rezultojnë anëtarë të saj, këta të fundit kooptohet me vendim Kryesie, si anëtarë të saj me të drejta të plota, deri në përfundimin e mandatit parlamentar, ose zgjedhjen e tyre sipas pikës 1 të nenit 47.

Ndryshimet e pritshme në Neni 51

Nënkryetarët e Partisë

1.            PDSH ka dy nënkryetar të cilët zgjidhen sipas përcaktimeve të këtij Statuti.

2.            Në rast se pas zgjedhjes së nënkryetarëve, sipas parashikimeve të nenit 45 rezulton se kryetari i grupit parlamentar të PD-së dhe sipas rastit Nënkryetari/Kryetari i Kuvendit të Shqipërisë nuk janë fitues sipas kësaj procedure, atëherë ata automatikisht konsiderohen nënkryetarë të partisë për shkak të funksionit. Përgjatë këtij mandati secili prej tyre gëzon dhe ushtron të njëjtat të drejta dhe përgjegjësi si nënkryetarët e zgjedhur, për aq kohë sa gëzon funksionin e drejtuesit të grupit parlamentar të PD dhe/ ose atë të Nënkryetarit/Kryetarit të Kuvendit të Shqipërisë.

3. Njëri prej nënkryetarëve është kryetar i Grupit Parlamentar.

Ndryshimet statutore do të propozohen nga Kryesia dhe do të miratohen nga Këshilli Kombëtar, duke shmangur kështu dhe votimin për emra të përveçëm.

Anëtarët e rinj të Kryesisë së Partisë Demokratike të Rithemelimit:

1.     Gazment Bardhi – Kryetar i Grupit Parlamentar

2.     Ervin Salianji – Nënkryetar i Grupit Parlamentar

3.     Agron Gjekmarkaj – Nënkryetar i Kuvendit

4.     Zheni Gjergji – (Kryetare, Komisioni i Shëndetësisë)

5.     Dhurata Çupi – (Zëvendës kryetare, Komisioni për Punën, Çështjet Sociale dhe Shëndetësinë)

6.     Helidon Bushati – (Zëvendës kryetar, Komisioni për Veprimtaritë Prodhuese, Tregtinë dhe Mjedisin)

7.     Tomorr Alizoti – (Zëvendës kryetar, Komisioni për Politikën e Jashtme)

8.     Ferdidant Xhaferri – (Zëvendës kryetar, Komisioni për Sigurinë Kombëtare)

9.     Jorida Tabaku – (Kryetare, Komisioni për Çështjet Evropiane) a.b &a2cnn

/DRONI.al/