Proresta para zyrave qëndrore nga besimtarë myslimanë antigulenistë po shoqërojnë zgjedhjen e kreut të ri të Komunitetit Mysliman Shqiptar.
Tre kandidatët për kreun e KMSH-së janë drejtuesi aktual, Bujar Spahiu, administratori i myftinisë së Durrësit, Eduard Shefki dhe Emir Vathaj, myfti i Beratit.
Zgjedhjet po zhvillohen mes protestave, pasi ka pretendime se është shkelur statuti, janë shantazhuar hoxhallarët dhe është uzurpuar KMSH nga organizata Gylen.
Sipas burimeve, ditën e djeshme (1 mars) Myftiu i Tiranës, Lauren Luli, ka lënë postin e tij dhe është bërë nën/kryetar i KMSH. Ndërsa vendin e tij e ka zënë Gazment Teqja.
Në lidhje me pretendimet e protestuesve për shkelje të statutit nga KMSH, nga ky institucion deklarojnë se zgjedhjet po zhvillohen sipas statutit.
“Zgjedhjet janë bërë duke filluar që në qershor. Në muajin qershor janë bërë zgjedhjet nëpër xhami. Pastaj zgjedhjet në Myftini, ku çdo xhami ka pasur një përfaqësues.
Është krijuar Këshilli i Myftinisë, i cili ka zgjedhur anëtarin e Këshillit të Përgjithshëm, qe është këtu sot për të votuar. Zgjedhjet janë bere konform çdo rregulli statutor”, thekson njoftimi zyrtar i KMSH-së.
Prej vitesh ka përplasje të ashpra mes dy rrymave të besimtarëve myslimanë në Shqipëri, atyre që akuzohen pala tjetër si gulenistë dhe pjesës tjetër që kanë struktura pranë qeverisë shqiptarë dhe drejtuesve lokalë dhe që mund të thirren erdoganistë.
Presidenti Rexhep Erdogan në takimin para disa ditësh në Ankara me kryeministrin Edi Rama, i kërkoi pastrimin e KMSH-së nga strukturat e FETO-s. Disa ditë më parë besimtarët sulmuan myftiun e Tiranës, Luli te “Rruga e Kavajës”, duke e akuzuar si gylenist. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
