Sekretari i Shtetit, Blinken u pyet sot nga gazetarët e pranishëm në konferencën për shtyp se pse gjatë vizitës së tij nuk u takua me pjesëtar të opozitës.
Ai u përgjigj duke thënë se për ditën e sotme ka takuar mjaftueshëm.
”Unë kam pasur një mundësi të takohem me një sërë njerëzish, përveç atyre që takova që i përkasin politikës. Kam pasur mundësinë që të takohem me personalitete të Reformës në Drejtësi.
Kur të kthehem nga darka do të kem mundësi të takohem me pjesën tjetër”, tha Blinken. Por në fakt ai darkën da ta ketë në Gjermani, drejt së cilës u nis fill pas mbylljes së konferencës së shtypit në Tiranë me kryeministrin Edi Rama.
Ndërkaq Blinken ka folurnpër mundësinë e një baze në Portin e ri të Durrësit pa patur një përgjigje shterruese.
“Sa i përket bazës ajrore, më lejoni të them se Shqipëria ka 15 vite që është bërë anëtare e NATO-s. Kur bëhet fjalë për bazën detare ne do të vazhdojmë të diskutojmë”, th Blinken.
Gjatë deklaratës, Blinken foli edhe për memorandumin e mirëkuptimin që nënshkroi me homologun e tij Igli Hasani.
“Ne kemi nënshkruar memorandumin e mirëkuptimin që të na ndihmojë për një qasje të përbashkët për dezinformimin. Është e rëndësishme është që demokracitë të kenë mjetet e nevojshme. Janë trefishuar investimet në Shqipëri që nga 2019 dhe kjo do të vazhdojë. Ka potenciale të mëdha për rezervat në energji”, u shpreh Blinken.
Blinken la Tiranës rreth orës 19.00 nga Rinasi në drejtim të Mynih, Gjermani. a.b
