PD padit për së dyti Portin e Durrësit në Gjykatë Kushtetuese

PD ka përgatitur padinë e dytë për në Gjykatën Kushtetuese, projektin e Portit të Durrësit ‘Marina Bay’ inicuar si investim strategjik me vendim të qeverisë Rama.

Po ashtu është bërë kallëzim penal në SPAK për këtë aferë nga PD.

“Personat përgjegjës duke filluar nga kryeministri Edi Rama, duhet të mbajnë përgjegjësi për një veprim që qartazi, me një sekuencë po aq kriminale aktesh të miratuara nga qeveria, janë bërë aty për të veshur me një veshje juridike një marrëdhënie personale private korruptive mes Edi Ramës dhe një investitor privat arab.

E gjitha kjo për të shndërruar një pronë publike, të patjetërsueshme sipas ligjit, në një pronë private që më pas do shitet”, tha n/kryetari i PD, Oerd Bylykbashi.

Nënkryetari i PD tha se PD e ka goditur në Gjykatë Kushtetuese edhe më herët.

”Gjykata Kushtetuese duke vendosur një precedent jo në interesin e shqiptarëve, por në interesin e Edi Ramës, e rrëzoi duke pretenduar se padia ishte bërë jashtë afatit kur duhej paraqitur.

Sipas saj, ajo duhej goditur para ratifikimit, kur doktrina parashikon absolutisht që të goditej edhe pas saj. Qartazi ishte një veprim që synonte të mbante në këmbë këtë marrëveshje të Edi Ramës.

Por kjo padi e dytë që paraqesim në Gjykatë Kushtetuese, shkon më tej dhe më thellë, duke trajtuar ato aspekte të shkeljeve kushtetuese”, njoftoi Bylybashi.

PD i ka shkruar letër Komisioneres për Konkurrueshmërisë në BE, për shkak të shkeljes së Marrëveshjes së Stabilizim-Asocimit, e cila është përgjigjur se BE po e ndjek këtë çështje.

Njoftimi për padinë u bë gjatë një konference për Portin e Durrësit me një panel ekspertësh të lartë e njëhkosisht zyrtarë formumeve kryesore të PD, N/kryetari i PD, Oerd Bylybashi; Sekretari për Çështjet Zgjedhore në PD, Ivi Kaso; Këshilltari Ligjor, Franc Nuri; Sekretarja për Antikorrupsion në PD, Ledina Mandia; Anëtari i Kryesisë në PD, Enno Bozdo.

/DRONI.al/