“Shuarja e Shqipërisë është shuarja e kombit. Shqiptarët t’i dalin zot vendit”, tha sot kreu i PD, Sali Berisha në një ceremoni për 60 vjetorin e lindjes së Azem Hajdarit.
Sali Berisha: Ky pushtet është pushteti më barbar, më mizor që kanë njohur shqiptarët. Ne kemi pasur fatin të përjetojmë pushtime të shumta, por asnjë pushtim tjetër nuk ka arritur të spastrojë shqiptarët etnikisht sa ç’ka arritur Edi Rama.
Dhe ky është një kushtrim për çdo shqiptar, në Shqipëri dhe botë, për t’u ngritur. Të mos sodisin këtë vdekje graduale të Shqipërisë. Po vdiq Shqipëria, kombi shqiptar nuk mund të ekzistojë. Shqipëria është djepi, është kushti më themelor i ekzistencës së kombit shqiptar.
Ndaj ftoj shqiptarët t’i dalin zot vendit të tyre ndaj një agresioni barbar të mafies. Shuarja e Shqipërisë është shuarja e kombit.
Nëse në harkun e 8 viteve, largohet një e treta e kombit, në 16 vitet e ardhshme nuk do ketë më shqiptarë këtu.
Ky komb nuk e meriton të zhduket. Ai ka mbijetuar dhe mbijeton në tokat e veta, pa pasur varre përveçse në këto toka.
Në ceremoni përshëndeti edhe djali i Azemit, Kiri Hajdari.
“Ju falenderoj me zemër për këtë ceremoni prekëse në 60 vjetorin e babait tim, Azem Hajdari. Ai dha jetën për lirinë, demokracinë dhe çështjen tonë kombëtare. Ne do të bëjmë çdo gjë që idealet e tij të fitojnë”, tha Kiri Hajdari. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
