Po skadon afati për partinë e Alibeajt, në KQZ asnjë dokument i ri por vetëm ankimim në KAS

Ndërsa po skadon afati për regjistrimin e partisë së Alibeajt, përfaqësuesi ligjor ka bërë të ditur se dokumentat e kërkuar nga Celibashi nuk do të mbërrijë asnjëherë në KQZ.

“Partia Demokratike nuk depoziton asnjë akt shtesë, dokumentacioni është i plotë. Komisioneri mos të presë orën 12 të natës, por të japë një vendimmarrje tani.

Komisioneri la të kuptohet se nuk ndryshon asgjë në qëndrimin e KQZ-së dhe rikujtoi se afati përfundon në mesnatë.

“Unë do të pres përfundimin e afatit 48 orësh dhe më pas do të flas, për të plotësuar dokumentacionin që në bindjen time është i mangët.”

Të bindur se dokumentacioni i tyre është i rregullt, demokratët e grupimit Alibeaj i janë drejtuar me një ankimin edhe Komisionit të Ankesave dhe Sanksioneve, ku kërkojnë rrëzimin e vendimit të Celibashit dhe detyrimin e tij për të regjistruar PD me kryetar Lulzim Bashën.

“Detyrimin e Komisionerit Shetëror të Zgedhjeve të regjistrojë si subjekt Zgjedhor “Partia Demokratike e Shipërisë” sipas kërkesës nr. 27 dhe dokumentacionit shoqërues të saj, të paragitur në emër të Partisë Demokratike nga përfaqësuesi z.Indrit Sefa”.

Më herët të njëjtin veprim bënë edhe përfaqesuesit ligjor të Sali Berishës, të cilët gjithashtu iu drejtuan KAS-it për rrëzimin e vendimit për mosregjistrimin në zgjedhje.

“Kundërshtimin e vendimit te Komisionerit shtetëror të zgjedhjeve të dates 9.03.2023. ndryshimin e vendimit duke vendosur regjistrimin e Partisë Demokratike të përfaqësuar nga Sali Berisha si subjekt zgjedhor në zgjedhjet e 14 Majit”.

Nga ana tjetër, KQZ emëroi të premten listën e grupimit të Alibeajt për anëtare të KZAZ. Kjo është një procedurë ligjore, sipas Celibashit, për të mos penguar punën e KZAZ-ve. a.b& tvklan

/DRONI.al/