Deputeti i PD, Gazment Bardhi deklaroi sot se pala Alibeaj Basha nuk do të plotësojë asnjë dokumentacion tjetër pavarësisht kërkesave të KQZ. Sipas tij dokumentat janë në rregull pavarësisht gjetjeve të Komisionerit.
“PD ka dorëzuar dokumentacionin e plotë ligjor për regjistrim. Deklaratat e sotme politike të KQZ nuk kanë asnjë lidhje me ligjin, por janë formalizim i një vullneti politik ekstraligjor. Nuk do të ketë asnjë plotësim dokumentacioni sa kohë ai është dorëzuar i plotë!”, ka postuar Gazment Bardhi në rrjete sociale.
Kreu i KQZ, Ilirjan Celibashi ka kërkuar sot që të ribëhet brenda 48 orëve deklarimi i kryetarit të Partisë pasi kjo deklaratë nuk mund të delegohet njësoj si kompetencat, pasi është përgjegjësi.
Avokati Endrit Sefa tha se vendimin e Celibashit do ta ankimonte në KAS dhe më tej edhe në Kolegjin Zgjedhor.
Nëse Basha do të firmoste deklaratën do të ishte një falsifikim pasi Basha nuk është më kryetar i PD. a.b
