“Të mësosh një gjuhë të re do të thotë të shohësh botën nga një tjetër këndvështrim”, – do të thoshte dikur regjizori i njohur Italian Frederico Fellini, arti i të cilit u interpretua në disa gjuhë të botës.
Për t’u ardhur në ndihmë fëmijëve shqiptarë që duan të certifikohen në provimin e gjuhës angleze, për të tretin vit rradhazi, Qendra për Zhvillimin e Aftësive të Transferueshme (Center for Development of Transferable Skills) zhvillon konkursin ndërkombëtar “Kangaroo Linguistic”.
“Konkurset Kangaroo janë krijuar për të zhvilluar aftësi të caktuara midis nxënësve, të cilat përgjithësisht neglizhohen në shkolla”, – thotë Drejtori Ekzekutiv Musa Coha, sipas të cilit ky konkurs u mundëson fëmijëve nxitjen e mendimit kritik. “Nëpërmjet tij synojmë të përmirësojnë aftësinë e fëmijëve për të vëzhguar dhe për t’u bërë eksplorues të mirë”, – shton ai duke theksuar se “Pajisja e nxënësve me një certifikatë të konkurseve ndërkombëtare Kangaroo është një vlerë e shtuar në portofolin e tyre dhe njëkohësisht i shërben shumë nxënësve në proceset e aplikimit në universitete brenda dhe jashtë vendit”.
Këtë vit ky konkurs do të zhvillohet më datë 25 shkurt, ditë e shtunë, ku në orën 10:00 fëmijët pjesëmarrës do të kenë mundësinë për të sfiduar veten online ose fikizisht.
Por kush mund të marrë pjesë në “Kangaroo Linguistic”?
Në konkurs mund të marin pjesë të gjithë nxënësit nga klasa e parë deri në klasë të dymbëdhjetë, dhe secili do të ketë mundësinë të zgjedhë nivelin me të cilin do të konkurojë. Për t’u regjistruar dhe informacione më të detajuara mund të klikoni këtu. d.xh
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
